១.ស្ថានភាពភូមិសាស្រ្ត និងប្រជាសាស្រ្ត

            ខេត្តព្រះវិហារមានផ្ទៃដីសរុប ១៣.៨២១,៧៦ គីឡូម៉ែត្រក្រឡា ដែលមានចម្ងាយផ្លូវប្រវែង ២៩៨ គ.ម ពីរាជធានីភ្នំពេញមកទីរួមខេត្តព្រះវិហារ កាត់តាមផ្លូវជាតិលេខ៦ និងលេខ៦២ មានព្រំប្រទល់ភាគខាងជើងជាប់នឹង​ប្រទេសថៃប្រវែង ១២១ គ.ម នឹងជាប់ប្រទេសឡាវប្រវែង ១៤១ គ.ម ដែលមានលក្ខណៈជាជួរភ្នំ ព្រៃ និងទន្លេ ខាង​ត្បូងទល់នឹងខេត្តកំពង់ធំ ខាងកើតទល់នឹងខេត្តស្ទឹងត្រែង នឹងខាងលិចទល់នឹងខេត្តសៀមរាប និងខេត្តឧត្តរមានជ័យ។​ខេត្តចែកជា ៧ស្រុក ១ក្រុង ៤៩ឃុំ ២សង្កាត់ និង ២៣២ភូមិ ។

             ប្រជាពលរដ្ឋសរុបទូទំាងខេត្តមានចំនួន   ៥៧.០៧១   គ្រួសារ   ស្មើនឹងចំនួនមនុស្ស   ២៣៥.០៧៨   នាក់/

ស្រី​១១៩.៩០៨ នាក់ ដង់ស៊ីតេប្រជាពលរដ្ឋប្រមាណ ១៧នាក់ ក្នុង១គីឡូម៉ែត្តក្រឡា (ស្ថិតិប្រជាពលរដ្ឋឆមាសទី១​ឆ្នំា២០១៨ ) ។

២.តួនាទីនិងភារកិច្ចមន្ទីរកសិកម្ម រុក្ខាប្រមាញ់ និងនេសាទ ខេត្តព្រះវិហារ

    មន្ទីរកសិកម្មរាជធានី ខេត្ត ជាអង្គភាពថ្នាក់មូលដ្ឋានរបស់ក្រសួងកសិកម្ម រុក្ខាប្រមាញ់ និងនេសាទ មាន        បេសកកម្មដឹកនាំ គ្រប់គ្រង និងធ្វើសកម្មភាពវិស័យកសិកម្មនៅក្នុងក្របខ័ណ្ឌរដ្ឋបាលរាជធានី ខេត្ត របស់ខ្លួន

1. មន្ទីរកសិកម្មខេត្តមានមុខងារនិងភារកិច្ចដូចតទៅ ៖

• លើកផែនការដឹកនាំនិងជំរុញការអនុវត្តកិច្ចអភិវឌ្ឍវិស័យកសិកម្មនៅក្នុងរាជធានី ខេត្ត ស្របតាមគោលនយោបាយរបស់ក្រសួងកសិកម្ម  រុក្ខាប្រមាញ់ និងនេសាទ ។
• គ្រប់គ្រងទិន្ន័យកសិកម្មគ្រប់ជំនាញ លើកគម្រោងផែនការនិងវិធានការអភិវឌ្ឍវិស័យកសិកម្ម
• លើកគម្រោងកម្មវិធីចំណូល ចំណាយ តាមដានពីការអនុវត្តនិងប្រមូលចំណូលក្នុងវិស័យកសិកម្មបង់ចូលថវិករដ្ឋ
• គ្រប់គ្រងមន្ត្រីរាជការ ថវិកា ទ្រព្យសម្បត្តិរដ្ឋរបស់មន្ទីរកសិកម្ម ខេត្ត ឲ្យបានត្រឹមត្រូវតាមគោលការណ៍ច្បាប់
• រៀបចំកម្មវិធីបណ្តុះបណ្តាលនិងបំពាក់បំប៉ន ពង្រឹងសម្ថភាពមន្ត្រីបុគ្គលិក
• ផ្សព្វផ្សាយ ជម្រុញ ណែនាំ និងត្រួតពិនិត្យ អនុវត្តបណ្តាវិធានការបច្ចេកទេសក្នងវិស័យកសិកម្មគ្រប់ផ្នែកដល់ការិយាល័យអង្គភាពចំណុះ បណ្តាការិយាល័យកសិកម្មក្រុង ស្រុក ខណ្ឌ និងមណ្ឌលកសិកម្មឃុំ សង្កាត់
• ផ្តល់ការគាំទ្រនិងផ្ទេរបច្ចេកទេសក្នុងវិស័យកសិកម្មគ្រប់ផ្នែក ដល់កសិករនិងដៃគូចូលរួម និងលើកទឹកចិត្តអង្គការវិជ្ជាជីវៈសមាគមនានានិងបង្កើតសហគមន៍អភិវឌ្ឍនានាដែលពាក់ព័ន្ធនឹងវិស័យកសិកម្មដើម្បីកែលម្អផលិតកម្មនិងផលិតភាពក្នុងវិស័យកសិកម្មគ្រប់ផ្នែក
• ចូលរួម សហការក្នុងការអនុវត្ត វិធានការពារ ធនធានធម្មជាតិក្នុងវិស័យកសិកម្មគ្រប់ផ្នែក តាមការកំណត់នយោបាយអភិវឌ្ឍ អភិរក្សរបស់ក្រសួង
• ចាត់ចែងការងារអន្តរាគមន៍ ទប់ស្កាត់​បង្ការ និង​រាយការណ៍សុំយោបល់ជាបន្ទាន់ពីរដ្ឋបាលរាជធានី ខេត្ត និងក្រសួងនូវបណ្តាសមាសភាព ភយន្តរាយ​ គ្រោះធម្មជាតិ ភាពអនាធិបតេយ្យលើវិស័យកសិកម្មគ្រប់ផ្នែកដែលកើតមាន
• ធ្វើជាដៃគូដ៏ល្អនិងមានប្រសិទ្ធភាពក្នុងកិច្ចសហការ និងកិច្ចសហប្រតិបត្តការជាមួយបណ្តាមន្ទីរនានាអង្គការ និងម្ចាស់ជំនួយនានា សម្រាប់ការអភិវឌ្ឍវិស័យកសិកម្មនៅក្នុងខេត្ត រាជធានី
• ទទួលអនុវត្តភារកិច្ចផ្សេងៗទៀតដែលថ្នាក់ដឹកនាំក្រសួងប្រគល់ឲ្យ ។

៣.មន្ទីរកសិកម្ម រុក្ខាប្រមាញ់ និងនេសាទ ខេត្តព្រះវិហារ មានខណ្ឌ ការិយាល័យជំនាញចំណុះឱ្យមន្ទីរ និងកសិកម្មស្រុកក្រុង ដូចខាងក្រោម៖

១.ការិយាល័យរដ្ឋបាល បុគ្គលិក

២.ការិល័យផែនការ គណនេយ្យ

៣.ការិយាល័យនីតិកម្មកកសិកម្ម

៤.ការិយាល័យផលិតកម្មនិងបសុព្យាបាល

៥.ការិយាល័យក្សេត្រសាស្ត្រនិងផលិតភាពកសិកម្ម

៦.ការិយាល័យផ្សព្វផ្សាយកសិកម្ម

៧.ការិយាល័យគ្រឿងយន្តកសិកម្ម

៨.ការិយាល័យអភិវឌ្ឍន៍សហគមន៍កសិកម្ម

៩.ការិយាល័យកសិឧស្សាហកម្ម

១០.ការិយាល័យកៅស៊ូ ។

១១.ខណ្ឌរដ្ឋបាលព្រៃឈើព្រះវិហារ

១២.ខណ្ឌរដ្ឋបាលជលផលព្រះវិហារ

១៣.ការិយាល័យកសិកម្មក្រុងព្រះវិហារ

១៤.ការិយាល័យកសិកម្មស្រុកត្បែងមានជ័យ

១៥.ការិយាល័យកសិកម្មស្រុកគូលែន

១៦.ការិយាល័យកសិកម្មស្រុកជាំក្សាន្ត

១៧.ការិយាល័យកសិកម្មស្រុកឆែប

១៨.ការិយាល័យកសិកម្មស្រុកជ័យសែន

១៩.ការិយាល័យកសិកម្មស្រុករវៀង

២០.ការិយាល័យកសិកម្មស្រុកសង្គមថ្មី

រចនាសម្ព័ន្ធមន្ទីរ