សភាពការរួម

            ចាប់តាំងពីពាក់កណ្ដាល ខែមីនា ឆ្នាំ២០១៨ ទូទាំងខេត្តព្រះវិហារ មានភ្លៀងធ្លាក់បន្តបន្ទាប់ដែលបានធ្វើអោយប្រជា កសិករទូទាំងខេត្តចាប់ផ្តើមរៀបចំការងារធ្វើស្រែចំការនៅដើមរដូវវស្សានេះ។

ក-ការងារបង្កបង្កើនផលស្រូវរដូវវស្សា ឆ្នាំ​២០១៨

            គិតមកត្រឹមថ្ងៃទី០៩ ខែកក្កដា ឆ្នាំ២០១៨ ការងារបង្កបង្កើនផលស្រូវរដូវវស្សា នៅទូទាំងខេត្តព្រះវិហារ បានអនុវត្តន៍ ការភ្ជួររាស់សរុបចំនួន​ ៧៣.៥៥៦ហិកតា ផ្ទៃដីស្ទូង ព្រោះ និងបុកដាំ  បានចំនួន ៤១.៨៩២ហិកតា លើផែនការ ៨៨.០០០​ហិកតា ស្មើនឹង៤៧,៦០ ភាគរយ (ជូនភ្ជាប់មកជាមួយតារាងការងារបង្កបង្កើនផលស្រូវរដូវវស្សា ឆ្នាំ២០១៨ ចំនួន០១ច្បាប់)។

ខ-ការងារបង្កបង្កើនផលដំណាំរួមផ្សំ និងដំណាំកសិឧស្សាហកម្ម ​

ការងារបង្កបង្កើនផលដំណាំរួមផ្សំ និងដំណាំកសិឧស្សាហកម្ម គិតមកត្រឹមថ្ងៃទី០៩ ខែកក្កដា ឆ្នាំ២០១៨ អនុវត្តបាន៖

-ពោត ដំឡូងឈើ ដំឡូងជ្វា បន្លែគ្រប់មុខ សណ្តែកបាយ អនុវត្តបាន ៣៧.២៥៥ហិកតា ស្មើនឹង ៩៥,៤៨ភាគរយ។

-សណ្តែកដី សណ្តែកសៀង សណ្តែកផ្កាយ ស្វាយចន្នី​ ម្រេច ល្ងអនុវត្តបាន១១.៧៣១ហិកតា ស្មើនឹង ៣០,១៦ភាគរយ។

-អំពៅ ម្នាស់ ល្ពៅ ឱឡឹក ថ្នាំជក់  អនុវត្តបាន ១.២០៥ហិកតា ស្មើនឹង១១៣,៦៨ ភាគរយ។ (ជូនភ្ជាប់មកជាមួយតារាងល្បឿនបង្កបង្កើនផលដំណាំរួមផ្សំ និងដំណាំកសិឧស្សាហកម្ម ឆ្នាំ២០១៨ ចំនួន ០១ច្បាប់)។

គ-កម្រិតទឹកភ្លៀង

បរិមាណទឹកភ្លៀងដែលបានធ្លាក់ ចាប់តាំងពីដើមរដូវដល់ថ្ងៃទី០៨ ខែកក្កដា ឆ្នាំ២០១៨ ទូទាំងខេត្តព្រះវិហារ មានភ្លៀង ធ្លាក់ជាមធ្យមសរុប៦២០,៦៨ម.ម។ ​(ជូនភ្ជាប់មកជាមួយតារាងបូកសរុបទឹកភ្លៀងប្រចាំខេត្តព្រះវិហារ ឆ្នាំ២០១៨ ចំនួន០១ច្បាប់)។