ចាប់តាំងពីពាក់កណ្ដាល ខែមីនា ឆ្នាំ២០១៨ ទូទាំងខេត្តព្រះវិហារ មានភ្លៀងធ្លាក់បន្តបន្ទាប់ដែលបានធ្វើអោយប្រជា កសិករទូទាំងខេត្តចាប់ផ្តើមរៀបចំការងារធ្វើស្រែចំការនៅដើមរដូវវស្សានេះ។

ក-ការងារបង្កបង្កើនផលស្រូវរដូវវស្សា ឆ្នាំ​២០១៨

            គិតមកត្រឹមថ្ងៃទី២០ ខែសីហា ឆ្នាំ២០១៨ ការងារបង្កបង្កើនផលស្រូវរដូវវស្សា នៅទូទាំងខេត្តព្រះវិហារ បានអនុវត្តន៍ ការភ្ជួររាស់សរុបចំនួន​ ៨៩.៩៦២ហិកតា ផ្ទៃដីស្ទូង ព្រោះ និងបុកដាំ  បានចំនួន ៨៦.០៨០ហិកតា លើផែនការ ៨៨.០០០​ហិកតា ស្មើនឹង៩៧,៨២ ភាគរយ (ជូនភ្ជាប់មកជាមួយតារាងការងារបង្កបង្កើនផលស្រូវរដូវវស្សា ឆ្នាំ២០១៨ ចំនួន០១ច្បាប់)។

ខ-ការងារបង្កបង្កើនផលដំណាំរួមផ្សំ និងដំណាំកសិឧស្សាហកម្ម ​

ការងារបង្កបង្កើនផលដំណាំរួមផ្សំ និងដំណាំកសិឧស្សាហកម្ម គិតមកត្រឹមថ្ងៃទី២០ ខែសីហា ឆ្នាំ២០១៨ អនុវត្តបាន៖

-ពោត ដំឡូងឈើ ដំឡូងជ្វា បន្លែគ្រប់មុខ សណ្តែកបាយ អនុវត្តបាន ៣៩.១១៤ហិកតា ស្មើនឹង ១០០,២៤ភាគរយ។

-សណ្តែកដី សណ្តែកសៀង សណ្តែកផ្កាយ ស្វាយចន្នី​ ម្រេច ល្ង អនុវត្តបាន ២១.១៣៤ហិកតា ស្មើនឹង ៥៤,៣៤ភាគរយ។

-អំពៅ ម្នាស់ ល្ពៅ ឱឡឹក ថ្នាំជក់  អនុវត្តបាន ១.២៩៤ហិកតា ស្មើនឹង១២២,០៨ភាគរយ។ (ជូនភ្ជាប់មកជាមួយតារាងល្បឿនបង្កបង្កើនផលដំណាំរួមផ្សំ និងដំណាំកសិឧស្សាហកម្ម ឆ្នាំ២០១៨ ចំនួន ០១ច្បាប់)។

គ-កម្រិតទឹកភ្លៀង

បរិមាណទឹកភ្លៀងដែលបានធ្លាក់ ចាប់តាំងពីដើមរដូវដល់ថ្ងៃទី១៩ ខែសីហា ឆ្នាំ២០១៨ ទូទាំងខេត្តព្រះវិហារ មានភ្លៀង ធ្លាក់ជាមធ្យមសរុប១០៣៧,៤០ម.ម។​(ជូនភ្ជាប់មកជាមួយតារាងបូកសរុបទឹកភ្លៀងប្រចាំខេត្តព្រះវិហារ ឆ្នាំ២០១៨ ចំនួន០១ ច្បាប់)។