I.ស្ថានភាពទឹកភ្លៀង

សរុបទឹកភ្លៀងពីដើមរដូវដល់ ខែវិច្ឆិកាសរុបជាមធ្យមប្រចាំខេត្តមានកម្រិត១.៤០៥,០១ មីលីម៉ែត្រ (ដូចមានតារាង ជូនភ្ជាប់)។

II.ល្បឿននៃការងារបង្កបង្កើនផលដំណាំរដូវវស្សាឆ្នាំ២០១៨ (ដូចមានតារាងជូនភ្ជាប់)

១- ការងារដាំដុះ

ក-ការភ្ជួររាស់ដីសម្រេចបានចំនួន៩០.០០៥ ហ.ត លើផ្ទៃដីចំនួន ៩០.០០៥ ហ.ត ក្នុងនោះភ្ជួរ​​រាស់​ដោយគ្រឿង យន្តលើផ្ទៃដីចំនួន៨៨.៨៧៤ ហ.ត ស្មើរនឹង៩៨.៧៤% ។

ខ-ផ្ទៃដីសាប​ អនុវត្តន៍បានសរុប ២.៤៤៥ ហ.ត ។

គ.ការងារដាំដុះសម្រេចបានលើផ្ទៃដី ចំនួន ៩០.០០៥ ហ.ត  ស្មើនឹង ១០២.២៨% នៃផែនការសរុបចំនួន ៨៨.០០០ ហ.ត ខ្ពស់ជាងឆ្នាំ២០១៧ ចំនួន ៤.១៦៦ ហ.ត។   

១.១ ដំណាំរួមផ្សំ អនុវត្តន៍បានសរុប ២៧.៧២៧ហ.ត ស្មើនឹង ៩៨,០៥៨% នៃផែនកា​រ ២៨.២៧៦ហ.ត

១.២.ដំណាំឧស្សាហកម្ម អនុវត្តន៍បាន ៣០.៥៩៧ហ.ត ស្មើនឹង៩៤,២២២% នៃផែនការ ៣២.៤៧៣ហ.ត។​

១.៣-ការងារប្រមូលផលស្រូវ ប្រមូលផលស្រូវសរុបបានចំនួន ១០៩.៤៥៦ហ.ត បរិមាណផលសរុបបាន​ចំនួន​​១០៩.៤៥៦តោន​។ ​​(ដូចមានតារាងជូនភ្ជាប់)

២-ផលប៉ះពាល់ដោយគ្រោះទឹកជំនន់លើដំណាំស្រូវ ចំពោះដំណាំស្រូវរដូវវស្សាឆ្នាំ២០១៨ នេះមានការប៉ះពាល់ ដោយទឹកជំនន់មាន០១ស្រុក(ស្រុកឆែប)​​ដែលជាប់នឹងដងទន្លេមេគង្គកម្ពុជា-ឡាវ លើផ្ទៃដី ចំនួន ២៧២ហ.ត ខូចខាត ទាំងស្រុងចំនួន ២៦៩ ហ.ត ​ក្នុង​នោះមានឃុំកំពង់ស្រឡៅ១ចំនួន ២២២ហ.ត និង ឃុំកំពង់ស្រឡៅ២ ចំនួន៤៧ ហ.ត ។ 

III.បញ្ហាប្រឈម​

ដំណាំស្រូវនៅចុងឆ្នាំ២០១៨ នេះបានជួបគ្រោះធម្មជាតិ (រាំងស្ងួត) ធ្វើឲ្យប៉ះពាល់ដល់ដំណាំស្រូវធ្ងន់​​សរុប ៣.៤៥៣ ហិកតា​(ដូចមានតារាងជូនភ្ជាប់) ស្មើនឹង ៦ស្រុក ក្នុងចំណោមក្រុង/ស្រុកទាំង៨ ទូទាំង​ខេត្ត​ព្រះវិហារ។​ ក្នុង​នោះ​​ផ្ទៃ​ដី​​​ស្រូវ​ដែលនឹងកំពុងរងផលប៉ះពាល់ដោយការខ្វះខាតទឹក នៅចុងរដូវនេះ ជាពិសេស​ប្រភេទ​​ពូជ​ស្រូវ​ធ្ងន់​ប្រកាន់​រដូវ​បណ្ដាល​ឲ្យប៉ះពាល់ដល់ទិន្នផលខ្លះ ប៉ុន្តែមិនខូចខាតទាំងស្រុងនោះទេ។​