ខេត្តព្រះវិហារ៖នៅថ្ងៃទី១១ខែមីនាឆ្នាំ២០១៩លោកអ៊ុនចាន់ដាអភិបាលខេត្តព្រះវិហារបានអញ្ជើញជាអធិបតីភាពក្នុងពិធីចុះហត្ថលេខាលើអនុសារណៈយោគយល់គ្នានិងកិច្ចសន្យាផលិតនិងផ្គត់ផ្គង់ស្រូវសិរីរាង្គ។រវាងសហភាពសហគមន៍កសិកម្មព្រះវិហារមានជ័យនិងក្រុមហ៊ុន”goldenricecambodiacoltd”នៅមន្ទីរកសិកម្មរុក្ខប្រមាញ់និងនេសាទខេត្តព្រះវិហារ។
លោកអភិបាលខេត្តបានថ្លែងអំណរគុណចំពោះលោកឧកញ៉ាសុខហាចអគ្គនាយកក្រុមហ៊ុន”ហ្គោលដិនរ៉ាយខេមបូឌាខូអិលធីឌី”ដែលព្រមព្រាងចុះកិច្ចសន្យានិងកិច្ចសហប្រតិបត្តិការល្អជាមួយសហភាពសហគមន៍កសិកម្មព្រះវិហារមានជ័យ។ក្នុងការប្រមូលទិញស្រូវសិរីរាង្គពីបណ្ដាសហគមន៍កសិកម្មក្នុងខេត្តព្រះវិហារដែលស្រូវសិរីរាង្គនេះផលិតឡើងប្រកបដោយស្តង់ដារអន្តរជាតិនិងមានគុណភាពខ្ពស់សម្រាប់នាំចេញទៅក្រៅប្រទេស។
អភិបាលខេត្តបានបន្តថាកាលពីឆ្នាំ២០១៨មានសហគមន៍កសិកម្មចំនួន៣៤ដែលមានសមាជិកជាអ្នកផលិតប្រមាណ៥.០០០គ្រួសារបានចុះកិច្ចសន្យាផលិតនិងផ្គត់ផ្គង់ស្រូវសិរីរាង្គឱ្យក្រុមហ៊ុននាំចេញក្នុងបរិមាណ១២.០០០តោនហើយរំពឹងថានៅឆ្នាំ២០១៩ការផ្គត់ផ្គង់នឹងកើនឡើងពី១៥.០០០តោនទៅ២០.០០០តោន។
លោកអភិបាលខេត្តបានស្នើសុំឱ្យសហភាពសហគមន៍កសិកម្មព្រះវិហារមានជ័យនិងក្រុមហ៊ុន”ហ្គោលដិនរ៉ាយខេមបូឌាខូអិលធីឌី”ត្រូវគោរពតាមកិច្ចសន្យាប្រកបដោយភាពស្មោះត្រង់និងការជឿទុកចិត្តគ្នាទៅវិញទៅមកលើការផ្គត់ផ្គង់ស្រូវសិរីរាង្គនេះឱ្យមានដំណើរការកាន់តែល្អប្រសើរថែមទៀត។
តាមរយៈកិច្ចសហប្រតិបត្តិការនេះនឹងបន្តនៅជាប្រពៃណីដ៏ល្អផូរផង់តទៅទៀតដើម្បីចូលរួមចំណែកកាត់បន្ថយភាពក្រីក្ររបស់ប្រជាជនឱ្យបានជាអតិបរមាតាមទិសដៅអភិវឌ្ឍន៍សហស្សវត្សរ៍នៅកម្ពុជាក៏ដូចជាគោលនយោបាយកាត់បន្ថយភាពក្រីក្ររបស់រាជរដ្ឋាភិបាលកម្ពុជា៕
