ខេត្តព្រះវិហារ៖ ថ្ងៃទី២៣ ខែកញ្ញា ឆ្នាំ២០១៩ កូនត្រីចំរុះ ត្រីរស់/ផ្ទក់ ក្រាញ់ អណ្តែង និងប្រភេទត្រីផ្សេងៗ ចំនួនប្រមាណ 360,000កូន បានលែងចូលស្រះគ្រួសារនិងស្រះសហគមន៌តាមឃុំ ស្រុក សម្រាប់បម្រើដល់តម្រូវការ ហូបចុករបស់ប្រជាពលរដ្ឋ និងបង្កើនផលស្តុកត្រីមេពូជក្នុងបឹង/ស្រះសហគម៌នាពេលអនាគត។ ក្នុងនោះដែរនៅ ព្រឹក ថ្ងៃ ចន្ទ  ទី ២៣ ខែកញ្ញា ឆ្នាំ២០១៩នេះ  រដ្ឋបាលខេត្តព្រះវិហារ  បានរៀបចំប្រារព្ធ ពិធី  អបអរសាទរ ទិវា មច្ឆជាតិ ១កក្កដា ឆ្នាំ ២០១៩  មានកូនត្រីចំរុះប្រមាណ 12,000កូន បានលែងនៅអាងទឹក សហគមន៍ ស្រះជម្រកត្រីទំនប់ ៩៥ " ត្រីដើម្បីទាំងអស់គ្នា ទាំងអស់គ្នាដើម្បីត្រី យើងនាំគ្នាជួយថែរក្សាមច្ឆជាតិ " ក្រោម អធិបតីភាពដ៏ខ្ពង់ខ្ពស់ឯកឧត្តម ប្រាក់ សុវណ្ណ អភិបាល នៃគណៈ អភិបាលខេត្តព្រះវិហារ និងឯកឧត្តម ឡុង សុវណ្ណ ប្រធានក្រុមប្រឹក្សាខេត្តព្រះវិហារ ដោយមានការចូលរួមពី អភិបាល រងខេត្ត ក្រុមប្រឹក្សា ខេត្ត នាយករដ្ឋបាលខេត្ត កងកម្លាំង ទាំងបី  ប្រធានមន្ទីរ  អង្គភាព ជុំវិញខេត្ត អាជ្ញាធរ ក្រុង សង្កាត់  ស្ថិត នៅភូមិទំនប់ សង្កាត់ប៉ាលហាល ក្រុងព្រះវិហារ ខេត្តព្រះវិហារ៕