ខេត្តព្រះវិហារ៖ កាលពីព្រឹកនៅថ្ងៃពុធ ៩ រោច ខែកត្តិក ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី២០ខែវិច្ឆិកាឆ្នាំ២០១៩ មន្ទីរកសិកម្មរុក្ខាប្រមាញ់និងនេសាទខេត្តព្រះវិហារបានបើកវគ្គសិក្ខាសាលាស្តីពីការផ្ទេរបច្ចេកវិទ្យាដំណាំកៅស៊ូដល់មន្ត្រីបង្គោល។
លោកពឹងទ្រីដាប្រធានមន្ទីរកសិកម្មរុក្ខាប្រមាញ់និងនេសាទខេត្តព្រះវិហារបានឱ្យដឹងថាការរៀបចំវគ្គសិក្ខាសាលាស្តីពីការផ្ទេរបច្ចេកវិទ្យាដំណាំកៅស៊ូដល់មន្ត្រីបង្គោលក្រោមអធិបតីភាពលោកបណ្ឌិតអូនសុវណ្ណអគ្គនាយករងនៃអគ្គនាយកដ្ឋានកៅស៊ូ។លោកពឹងទ្រីដាប្រធានមន្ទីរកសិកម្មរុក្ខាប្រមាញ់និងនេសាទខេត្តព្រះវិហារ។លោកផេងមុត្ថាវីប្រធាននាយកដ្ឋានអភិវឌ្ឍន៍កៅស៊ូ។
លោកពឹងទ្រីដាប្រធានមន្ទីរបានបន្តថាវគ្គសិក្ខាសាលានេះរៀបចំដោយនាយកដ្ឋានអភិវឌ្ឍន៍កៅស៊ូនៃអគ្គនាយកដ្ឋានកៅស៊ូសហការជាមួយការិយាល័យកៅស៊ូ នៃមន្ទីរកសិកម្មរុក្ខាប្រមាញ់និងនេសាទ ខេត្តព្រះវិហារ។លោកបន្យតថាគោលបំណង:បង្កើននិងពង្រឹងចំណេះដឹងដល់មន្ត្រីរាជការអំពីបច្ចេកទេសដំណាំកៅស៊ូទាំងទ្រឹស្តីនិងការអនុវត្តដើម្បីជាគន្លឹះក្នុងការផ្សព្វផ្សាយដល់កសិករក្នុងតំបន់តាមខេត្តនានាបានយល់ដឹង។
សិក្ខាកាមដែលអញ្ជើញចូលរួមពីអគ្គនាយកដ្ឋានកៅស៊ូប្រធាន-អនុប្រធាននិងមន្ត្រីការិយាល័យកៅស៊ូរាជធានី-ខេត្តសរុបមានចំនួន៤៩នាក់,ស្រីចំនួន១២នាក់។
