ថ្ងៃទី០៤ ខែកុម្ភៈ ឆ្នាំ ២០២០ បានចាប់ផ្តើមសាងសង់ម៉ាស៊ីនកិនស្រូវ (ទី០៥) នៅសហគមន៍កសិកម្ម ទឹកក្រហមកែលំអជីវភាព ស្រុកជាំក្សាន្ត ខេត្តព្រះវិហារ ។ ការដែលទទួលបានការគាំទ្រនេះ គឺតាមរយៈកិច្ចសន្យានៃការជួយសេវាកម្មខាងក្រៅស្តីពី “ការពង្រឹងសមត្ថភាព និងចំណេះដឹងកសិករលើខ្សែចង្វាក់/ការកែច្នៃ/ការស្តុកស្រូវ-អង្ករខេត្តព្រះវិហារ” ។ ដែលអនុវត្តដោយអង្គការអ្នកក្សេត្រសាស្រ្ត និងពេទ្យសត្វគ្មានព្រំដែន (AVSF) និងសហភាពសហគមន៍កសិកម្ម ព្រះវិហារមានជ័យ (PMUAC) នៅក្នុងក្របខណ្ឌ “កម្មវិធីផ្សព្វផ្សាយបច្ចេកទេសកសិកម្មថ្មីដែលធន់ទៅនឹងការប្រែប្រួលអាកាសធាតុ (ASPIRE)” របស់មន្ទីរកសិកម្ម រុក្ខាប្រមាញ់ និងនេសាទ ខេត្តព្រះវិហារ ។