នៅថ្ងៃចន្ទ ៨រោច ខែផល្គុន ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១៦ ខែមីនា ឆ្នាំ២០២០ ក្រុមការងារនាយកដ្ឋានផ្សព្វផ្សយកសិកម្ម រុក្ខាប្រមាញ់ និងនេសាទ បានណែនាំពីជំហាននៃការវិភាគប្រព័ន្ធក្សេត្រ-បរិស្ថាន និងបែងចែកតួនាទីសម្រាប់ចុះទៅអនុវត្តនៅឃុំ ដល់មន្រ្តីការិយាល័យផ្សព្វផ្សាយកសិកម្ម និងមន្រ្តីការិយាល័យកសិកម្មធនធានធម្មជាតិ និងបរិស្ថាន ស្រុកត្បែងមានជ័យ ក្រោមការដឹកនាំដោយ លោក ស៊ុន ទ្រី អនុប្រធាននាយកដ្ឋានផ្សព្វផ្សាយកសិកម្ម រុក្ខាប្រមាញ់ និងនេសាទ អ្នកចូលរួមសរុប ៨នាក់/ស្រី ១នាក់ ដែលស្ថិតនៅសាលប្រជុំមន្ទីរកសិកម្ម រុក្ខាប្រមាញ់ និងនេសាទ ខេត្រព្រះវិហារ