ស្រុកឆែប ខេត្តព្រះវិហារ ################# ថ្ងៃសុក្រ ២រោច ខែពិសាខ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី០៨ ខែឩសភា ឆ្នាំ២០២០ លោក ឈុន សារ៉ាត់ អនុប្រធានការិយាល័យនីតិកម្មកសិកម្ម នៃមន្ទីរកសិកម្ម រុក្ខាប្រមាញ់ និងនេសាទ ខេត្តព្រះវិហារ ដឹកនាំមន្រ្តី បានសហការជាមួយមន្រ្តីការិយាល័យកសិកម្ម ធនធានធម្មជាតិ និងបរិស្ថាន ស្រុកឆែប បានចុះធ្វើអធិការកិច្ចថ្នាំកសិកម្ម និងជីកសិកម្ម ក្នុងគោលបំណង: - ត្រួតពិនិត្យលើការតាំងលក់សម្ភារ:កសិកម្ម(ថ្នាំកសិកម្ម និងជីកសិកម្ម) នៅតាមតូបក្នុងស្រុក - ជម្រុញអោយអាជីវករដែលបើកលក់ដូរសម្ភារ:កសិកម្មថ្មី មកធ្វើលិខិតអនុញ្ញាតលក់ដុំ លក់រាយសម្ភារ:កសិកម្ម - បិទបដាផ្សព្វផ្សាយពីថ្នាំពុលកសិកម្ម និងជីកសិកម្មដែលហាមឃាត់នៅតាមក្តាខៀនផ្សព្វផ្សាយព័ត៌មានរបស់សាលាឃុំ និងតាមតូបលក់ដូរសម្ភារ:កសិកម្ម ។ ដោយធ្វើអធិការកិច្ចបានចំនួន ០៦តូប ធ្វើកិច្ចសន្យាកែតម្រូវចំនួន ០១តូប និងជម្រុញអោយគាត់មកធ្វើលិខិតអនុញ្ញាតលក់ដុំ លក់រាយសម្ភារ:កសិកម្ម ចំនួន ០៤តូបដែលទើបបើកថ្មី ។