រសៀលថ្ងៃទី 10/08/2020 នៅសាលប្រជុំមន្ទីរកសិកម្ម រុក្ខាប្រមាញ់និងនេសាទខេត្តព្រះវិហារ មានរៀបចំកិច្ចប្រជុំ ក្រុមការងារទប់ស្កាត់ ការបង្ក្រាបការកាប់រាន ដុត ឈូសឆាយនិងហ៊ុមព័ទ្ឋដីព្រៃឈើ ដើម្បីវាតយកដីធ្វើជាកម្មសិទ្ឋ និងការប្រមូលទិន្នន័យបឋម លើឯកសារការកាន់កាប់ដីអាស្រ័យផលជាក់ស្តែង យូរឆ្នាំរបស់ប្រជាពលរដ្ឋ។ សមាសភាពចូលរួមមានក្រុម ការងាររដ្ឋបាលព្រៃឈើថ្នាក់កណ្តាល មន្ទីរកសិកម្ម សង្កាត់ ផ្នែក ខណ្ឌរដ្ឋបាលព្រៃឈើព្រះវិហារ និងថ្នាក់ដឹកនាំការិយាល័យពាក់ព័ន្ឋក្រោមឪវាទមន្ទីរមួយចំនួនទៀត សរុបគ្នាចំនួន ៣៥នាក់។