#ព្រះវិហារ៖ នៅព្រឹកថ្ងៃសុក្រ ៣រោច ខែស្រាពណ៍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី​០៧ ខែសីហា​ ឆ្នាំ​២០២០​ រដ្ឋ​បាលខេត្ត​ព្រះវិហារ​ លោកជំទាវ ខូយ ប៊ុនថាន សមាជិក សមាជិកក្រុមប្រឹក្សាខេត្តព្រះវិហារ និងលោក អ៊ុង វុទ្ធី អភិបាលរងខេត្តព្រះវិហារ ជាតំណាងដ៏ខ្ពង់ខ្ពស់ឯកឧត្តម ប្រាក់ សុវណ្ណ អភិបាល នៃគណៈអភិបាលខេត្តព្រះវិហារ បានអញ្ជើញជា​អធិបតីភាពក្នុងពិធីប្រកាសផ្ទេរភារកិច្ច អភិបាលរងស្រុករវៀង ដោយមានការចូលរួមពី ថ្នាក់ដឹកនាំខេត្ត គណៈ​អភិបាល​ស្រុក ក្រុម​ប្រឹក្សាស្រុក កងកម្លាំងទាំងបី មន្ត្រីរាជការចំណុះសាលាស្រុក​ និងនាយប៉ុស្តិ៍​រដ្ឋបាល​ឃុំ នៅ​សាលប្រជុំសាលាស្រុករវៀង ខេត្ត​ព្រះវិហារ៕ សូមបញ្ជាក់ថា យោងប្រកាសលេខ២៧៨៥ ចុះថ្ងៃទី២២ ខែមិថុនា ឆ្នាំ២០២០ លោក ឃីន រស្មី ពីអភិបាលរងក្រុងព្រះវិហារ ត្រូវផ្ទេរភារកិច្ចមកជាអភិបាលរងស្រុករវៀង។