ថ្ងៃទី 17/11/2020 ឯកឧត្តម គុយ ម៉ារិនឌី រដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ រួមជាមួយសហការី បានចុះសិក្សាពីសក្តានុពល សកម្មភាពអនុវត្តកសិកម្មតាមកិច្ចសន្យា ទិញ-លក់ស្រូវសរីរាង្គរបស់សហគមន៌កសិកម្មភ្នំពេជ្របូរី ស្ថិតនៅឃុំភ្នំពេញ ស្រុកគូលែន ខេត្តព្រះវិហារ។
ក្នុងឆ្នាំ ២០២០នេះ សហគមន៌ភ្នំពេជ្របូរី មានសមាជិកសរុបចំនួន ២២៦គ្រួសារបានចុះឈ្មោះលក់ស្រូវរួមគ្នាតាមរយៈសហគមន៌កសិកម្មជាមួយក្រុមហ៊ុន Amru Rice លើបរិមាណស្រូវសរុប 1 163 100kg។
តម្លៃស្រូវទទួលបានពីក្រុមហ៊ុននៅក្នុងដើមសប្តាហ៌ទី០៣ នៃខែវិច្ឆិកា នេះមានដូចខាងក្រោម៖
- ស្រូវផ្ការំដួលសើម លេខ01=១២៧០៛/kg
- ស្រូវផ្ការំដួលសើម លេខ02 =១២២០៛/kg
- ស្រូវផ្ការំដួលស្ងួត លេខ01=១៥៥០៛/kg
- ស្រូវផ្ការំដួលស្ងួត លេខ02 =១៤៦០៛/kg
- ស្រូវសរ(ពូជក្នុងស្រុក) សើមលេខ០១=១១០០៛/kg
- ស្រូវសរ(ពូជក្នុងស្រុក) សើមលេខ០២=១០៦០៛/kg
- ស្រូវសរ(ពូជក្នុងស្រុក) ស្ងួតលេខ០១=១២២០៛/kg
- ស្រូវសរ(ពូជក្នុងស្រុក) ស្ងួតលេខ០២=១១៨០៛/kg
នៅទូទាំងខេត្តព្រះវិហារ ក្នុងឆ្នាំ២០២០នេះ មានសហគមន៍កសិកម្មសរុបចំនួន ៣៣សហគមន៌ បានចុះកិច្ចសន្យាផលិតនិងផ្គត់ផ្គង់ស្រូវសរីរាង្គ ស្មើ៤២កិច្ចសន្យា លើបរិមាណស្រូវសរុប 22,195 តោន ដែលមានសមាជិកសហគមន៏ផលិតសរុបចំនួន 6,197 គ្រួសារ លើទំហំផ្ទៃដីសរុប 20,296 ហិចតា សម្រាប់លក់អោយ ក្រុមហ៊ុនឯកជនចំនួន ០៤គឺ៖
១.ក្រុមហ៊ុនអេមរ៉ុរ៉ាយ (AMRU Rice)
២.ក្រុមហ៊ុន ស៊ិកនេតឈ័រអហ្វអេស៊ា(Signatures of Asia)
៣.ក្រុមហ៊ុនហ្គោលដិនរ៉ាយ(Golden Rice)
៤.និងរោងម៉ាស៊ីនកិនស្រូវសារ៉ាវ៉ាន់កំពង់ធំ។
