ខេត្តព្រះវិហារ៖ នៅថ្ងៃទី២៣ ខែធ្នូ ឆ្នាំ២០២០ មន្ទីរកសិកម្ម រុក្ខាប្រមាញ់ និងនេសាទខេត្តព្រះវិហារ ដែលមានការិយាល័យ ផលិតកម្ម និងបសុព្យាបាល ជាសេនាធិការ នៅថ្ងៃទី២៣ ខែធ្នូ ឆ្នាំ២០២០ បានចុះជួបជាមួយកសិករចិញ្ចឹមទាយក ស៊ុតចំនួន០៣ នៅក្នុងខេត្តព្រះវិហារ ៖
១.កសិដ្ឋាន ស៊ីណាក់ Tel: 011 283 131 នៅឃុំស្រយ៉ង់ ស្រុកគូលែន បច្ចុប្បន្នបានចិញ្ចឹមទាសរុប ៤.០០០ក្បាល គាត់ប្រមូលផលបានចំនួន ៣០០០ពង/ថ្ងៃ និងលក់បោះដុំបាន ៣៥០៛-៣៨០៛/គ្រាប់។
២.កសិករឈ្មោះ អោក ចន្ថា Tel: 071 366 9236 ឃុំគូលែនត្បូង ស្រុកគូលែន បច្ចុប្បន្នចិញ្ចឹមទា សរុប ២.០០០ក្បាល គាត់ប្រមូលផលបានចំនួន ៣០០ពង/ថ្ងៃ (ទាពាក់ណ្តាលទើបតែពេញវ័យមិនទាន់ផ្តល់ពង) និង លក់បោះដុំបាន ៤០០៛-៤៥០៛/គ្រាប់។
៣.កសិករ សង យឿន Tel: 097 534 3628 ឃុំថ្មី ស្រុកគូលែន បច្ចុប្បន្នចិញ្ចឹមទាសរុប ២.៥០០ក្បា គាត់ប្រមូល ផលបានចំនួន ៤៥០-៥០០ពង និងលក់បោះដុំបានតម្លៃ ៤០០៛-៤៥០៛/គ្រាប់ (ទា ២០០០ក្បាល ទើប តែធំមិនទាន់ផ្តល់ពង) តម្លៃពងទាលក់រាយជាមធ្យមប្រចាំផ្សារស្រុកគូលែន និងផ្សារក្រុង ព្រះវិហារ តម្លៃ៥០០រៀល/គ្រាប់ ។
ទាក់ទងនឹងបញ្ហាតម្លៃពងទានេះ នាពេលថ្មីនេះ មន្ទីរកសិកម្ម រុក្ខាប្រមាញ់ និងនេសាទ ខេត្តព្រះវិហារ បានពិនិត្យឃើញថា មានការចូលរួម យោបល់ ក្នុងគណនីហ្វេសប៊ុករបសឯកឧត្តម វេង សាខុន រដ្ឋមន្ដ្រីក្រសួងកសិកម្ម រុក្ខាប្រមាញ់ និងនេសាទ ដោយបានចោទប្រកាន់ថា ការចុះថ្លៃស៊ុតបក្សី នៅលើទីផ្សារប៉ុន្មានថ្ងៃចុះក្រោយនេះបណ្តាលមកពីការនាំចូលស៊ុត ពីប្រទេសជិតខាង ដូចជាប្រទេសវៀតណាមជាដើម ដែលជាហេតុធ្វើឱ្យផលិតផលស៊ុតបក្សី ដែលផលិតបាននៅក្នុង ស្រុកមានតម្លៃថោក លក់មិនចេញ និងពិបាករកទីផ្សារជាខ្លាំង។ ការលើកឡើងចោទប្រកាន់នេះ ជាការសន្និដ្ឋាន ដោយមិនបានធ្វើការសិក្សាវាយតម្លៃឱ្យបានត្រឹមត្រូវ ទៅតាមសមិទ្ធផលដែលកំពុងតែលេចឡើងចេញ ជារូបរាងបន្ត បន្ទាប់ ក្រោមការដឹកនាំរបស់ឯកឧត្តម វេង សាខុន រដ្ឋមន្ដ្រីក្រសួងកសិកម្ម រុក្ខាប្រមាញ់ និងនេសាទ និងថ្នាក់ដឹក នាំ មន្ដ្រីជំនាញ និងរដ្ឋបាលដែនដីគ្រប់ថ្នាក់។
មន្ទីរកសិកកម្ម រុក្ខាប្រមាញ់ និងនេសាទ ខេត្តព្រះវិហារ សូមបញ្ជាក់ជូនសាធារណៈជនជ្រាបថា តម្លៃពងទា នៅក្នុងខេត្តព្រះវិហារ ពុំមានការធ្លាក់ចុះនោះទេ ឬមានការនាំចូលស៊ុតទាពីប្រទេសជិតខាងទេ ករណីម្ចាស់កសិដ្ឋាន ចិញ្ចឹមសត្វ សាធារណជន បានឃើញ ឬបានដឹងច្បាស់ព័ត៌មានពីការលួចនាំចូលពងទាពីប្រទេសជិតខាង សូមផ្តល់ ព័ត៌មានមកមន្ទីរកសិកម្ម រុក្ខាប្រមាញ់ និងនេសាទ ខេត្តព្រះវិហារ តាមរយៈទូរស័ព្ទលេខ៖ 012 871 219 និង 012 680 055 ដើម្បីក្រុមការងារបទបង្ក្រាបបទល្មើសវិស័យសុខភាពសត្វ និងផលិតកម្មសត្វ ចាត់ការតាមនិតិវិធី។