#ព្រះវិហារ៖ រសៀលថ្ងៃព្រហស្បតិ៍ ទី១១ ខែវិច្ឆិកា ឆ្នាំ២០២១ រដ្ឋបាលខេត្តព្រះវិហារ បានរៀបចំកិច្ចប្រជុំពិភាក្សាស្តីពី លទ្ធផលការចុះពិនិត្យ និងវាយតម្លៃលើការអនុវត្តរបស់ក្រុមហ៊ុនសម្បទានដីសេដ្ឋកិច្ច និងក្រុមហ៊ុនសហការដៃគូដាំឈើ ក្រោមអធិបតីដ៏ខ្ពង់ខ្ពស់ ឯកឧត្តម អ៊ុង សំអាត រដ្ឋលេខាធិការក្រសួងកសិកម្ម រុក្ខាប្រម៉ាញ់ និងនេសាទ និងឯកឧត្តម លី សារ៉ារិទ្ធ អភិបាលរងខេត្តព្រះវិហារ តំណាងឯកឧត្តមអភិបាលខេត្តព្រះវិហារ។ ដោយមានការអញ្ជើញចូលរួមពី ប្រតិភូក្រសួង អភិបាលរងខេត្ត នាយករដ្ឋបាលខេត្ត មន្ទីរជំនាញ ខណ្ឌរដ្ឋបាលព្រៃឈើខេត្ត អភិបាលក្រុងស្រុក និងមន្ត្រីពាក់ព័ន្ធ។ នៅសាលប្រជុំធំ ជាន់ទី៣ សាលាខេត្តព្រះវិហារ៕