ចាប់តាំងពីដើមរដូវវស្សាឆ្នាំ២០២២ ទូទាំងខេត្តព្រះវិហារ មានភ្លៀងធ្លាក់បន្តបន្ទាប់ដែលបានធ្វើអោយប្រជា កសិករទូទាំងខេត្តចាប់ផ្តើមរៀបចំការងារធ្វើស្រែចំការ

នៅដើមរដូវវស្សានេះ ។

            ក-ការងារបង្កបង្កើនផលស្រូវរដូវវស្សា ឆ្នាំ​២០២២

                         គិតមកត្រឹមថ្ងៃទី២៩ ខែមិថុនា ឆ្នាំ២០២២ ការងារបង្កបង្កើនផលស្រូវរដូវវស្សា នៅទូទាំងខេត្តព្រះវិហារ បាន អនុវត្តន៍ផ្ទៃដីភ្ជួររាស់បានចំនួន 17,473 ហិកតា ការងារ ព្រោះ បុកដាំ លើផ្ទៃដីបានចំនួន 15,014 ហិកតា និងស្ទួង លើផ្ទៃដីបានចំនួន 2,459 ហិកតា លើផែនការ 98,520 ​ហិកតា ស្មើនឹង 17.74 %  ។        

            ខ​.ការងារបង្កបង្កើនផលដំណាំរួមផ្សំ ដំណាំកសិឧស្សាហកម្ម និងឈើហូបផ្លែ ៖ គិតត្រឹម ថ្ងៃទី២៩ ខែមិថុនា ឆ្នំា២០២២ អនុវត្តបានសរុបបាន 38,044ហិកតា ស្មើនឹង 54.90% នៃផែនការ 69,303 ហិកតា ក្នុងនោះ ៖

             -ដំណាំរួមផ្សំ និងសាកវប្បកម្មប្រចំារដូវ                      អនុវត្តបាន  330  ហិកតា     ស្មើនឹង 14.75%

             -ដំណំាសាកវប្បកម្ម និងដំណាំហូបផ្លែរយៈពេលវែង      អនុវត្តបាន 5,486 ហិកតា    ស្មើនឹង 58.21%

             -ដំណាំឧស្សាហកម្មប្រចំារដូវ                                   អនុវត្តបាន 29,725 ហិកតា  ស្មើនឹង 75.00%

            ​ -ដំណាំឧស្សាហកម្មរយៈពេលវែង                              អនុវត្តបាន 2,503 ហិកតា    ស្មើនឹង 13.90%

គ.កម្រិតទឹកភ្លៀង៖ ដោយបូកយោងចាប់ពីដើមរដូវរហូតមកដល់ថ្ងៃទី២៨ ខែមិថុនា ឆ្នំា២០២២) នៅទូទាំង ខេត្តព្រះវិហារ គិតជាមធ្យមទទួលបានទឹកភ្លៀងកម្រិត 683.53 ម.ម ។