នៅព្រឹកថ្ងៃទី២០ ខែមីនា ឆ្នាំ២០២៥ លោក ពឹង ទ្រីដា ប្រធានមន្ទីរកសិកម្មរុក្ខាប្រមាញ់ និងនេសាទ ខេត្តព្រះវិហារ បានដឹកនាំនាយខណ្ឌរដ្ឋបាលព្រៃឈើព្រះវិហារ និងនាយខណ្ឌរដ្ឋបាលជលផលព្រះវិហារ ប្រជុំពិភាក្សាជាមួយ អង្គការសកម្មភាពដើម្បីអភិវឌ្ឍន៍(AFD) ស្តីអំពី កិច្ចសហប្រតិបត្តិការ រាយការណ៍ពីវឌ្ឍន:ភាព និងបង្ហាញទិសដៅបន្តឆ្នាំ២០២៥ នៅក្នុងនោះផងដែល អង្គការសកម្មភាពដើម្បីអភិវឌ្ឍន៍(AFD) បានកំពុងអនុវត្តសកម្មភាពគម្រោងចំនួន ៣គម្រោង ដែលស្ថិតនៅក្នុងស្រុកគោលដៅចំនួន ៥ស្រុក និង ១ក្រុង គឺមានក្រុងព្រះវិហារ ស្រុកជាំក្សាន្ត ស្រុកគូលែន ស្រុកឆែប ស្រុកជ័យសែន និងស្រុករវៀង ក្នុង ១៦ឃុំ/សង្កាត់ ស្មើនឹង ២២ភូមិ ដែលមាន ៦សហគមន៍ព្រៃឈើ ១២សហគមន៍តំបន់ការពារធម្មជាតិ និង ៥សហគមន៍នេសាទ អ្នកចូលរួមសរុប ៥នាក់ ដែលស្ថិតនៅសាលប្រជុំមន្ទីរកសិកម្មរុក្ខាប្រមាញ់ និងនេសាទ ខេត្តព្រះវិហារ។